Вардар 1961 првиот официјален меч ќе го има на 29.август

Играчите  на РК Вардар, од март немаат официјален натпревар поради светската пандемија со Ковид-19. Момците на Алушовски  би требало да го одиграат првиот официјален натпревар во новата сезона на 29 август.

Станува збор за  реванш дуелот од 1/4-финалето  во регионалната, СЕХА  Гаспром лига.  Ривал ни е  хрватскиот вице-првак, екипата на  Нексе Нашице. Нашите момци  имаат предност од еден гол по победата во гости со 31-30. Со завршување на овој меч ќе обезбедиме место на  Ф4 во СЕХА, кој начелно е закажан  да се игра на 4 и 5 септември во Задар. Веќе пласирани на истиот се тимовите на  Загреб и Мешков Брест.