Friday ,29 March 2024
Последни:
Home > РК Вардар > Втор тим > Парондо ги повика Поповски и Ѓорѓевски за Медитеранските игри во Шпанија
Парондо ги повика Поповски и Ѓорѓевски за   Медитеранските игри во Шпанија

Парондо ги повика Поповски и Ѓорѓевски за Медитеранските игри во Шпанија

Во периодот од 24 јуни до 1 јули 2018, Македонија ќе настапи на 18-те Медитерански Игри што годинава ќе се одржат во Тарагона, Шпанија.  Селекцијата на овој настан  ќе ја води Гарсија Парондо, додека Раул Гонзалез во Тарагона ќе има неформална улога

Македонија на Игрите ќе биде претставувана од Машката и Женската репрезентација, а стручниот штаб на Машката репрезентација го објави поширокиот список од 24 ракометари кои ги повика на стартот на подготовките за овој турнир. Станува збор за комбиниран состав од сениорски и младински репрезентативци, како и неколкумина помлади ракометари на кои стручниот штаб на нашата селекција ќе смета за креирање во сениорската репрезентација во иднина. На списокот има две имиња од ракометниот клуб Вардар. Првиот тренинг е закажан за 4 јуни 2018 со почеток во 16:00 часот во СЦ „Борис Трајковски“.

Список на повикани ракометари:

Мартин Томовски, Никола Даниловски, Никола Митревски, Даниел Ѓоргески, Гоце Ојлески, Бојан Маџовски, Димитар Димитриоски, Филип Кузмановски, Горан Крстевски, Мартин Манасков, Дарко Георгиевски, Ласко Андоновски, Филип Чурлевски, Мартин Велковски, Томислав Јагуриновски, Мартин Серафимов, Мартин Поповски, Никола Костески, Костадин Петров, Милан Лазаревски, Филип Арсеновски, Дарко Димитриевски, Жарко Пешевски, Милорад Куковски.

Нашата машка репрезентација Игрите во Тарагона ќе ги отвори на 23 јуни со натпревар против Турција, ден подоцна ќе играме со Египет, а во групната фаза ќе се сретнеме и со селекцијата на Србија. Во периодот од 27 јуни до 1 јули ќе се играат завршните фази од турнирот.