Попладндево, во „Јане Сандански“ се играше второто коло од 6.турнир „Еден живот, една љубов“ во организација на Академијата на РК Вардар. На програмата се дуелите кај момците родени 2008/09. Резултастите во 2.коло се следни:
Во првиот меч од 2.коло. РК Будимир Вардар од Скопје го совлада тимот на РК Филип Вардар од Прилеп со резултат 14-8. Првиот дел почна со доминација на скопската екипа која поведе со 5-0, потоа Таневско повика минута одмор. По истата успеаа прилепчани да се вратат во ритам и дури и намалија. На одмор заминавме со резултат 7-4.
Скопскиот тим доминираше во целиот тек на вториот период успевајќи да поведе со осум гола до пред крајот на дуелот. На семафорот стоеше резултатот 14-6, прилепчани во последните напади со два врзани гола намалија 14-8, резултат со кој заврши оваа средба.
РК Бисинов Вардар(1) од Велес ја совлада екипата на РК Ѓорче Петров со резултат 19-11. Велешани тргнаа со резултат 3-0, потоа тимот од Скопје успеаа да направи серија и да дојде само на гол негатива, 5-4. Сепак тимот на Бисинов го исконтолира дуелот и отиде на одмор со резултат 9-6.
Велешани влегова фуриозно во вториот дел и успеаа да го подигнат водствот на шест гола, тие поведоа со резулта 14-8. Се беше потоа рутина, лесно се справија со противникот, постепено зголемувајќи ја разликата, победата за нив дојде со резултат 19-11.
РК Ангели Вардар ја добија средбата со тимот на РК Кисела Вода Вардар со резултат 23-11. Во еден дуел кој почна со реми, 2-2 издоминираа Ангели. Тие до полувремето потоа успеаа да направат неверојатна серија 9-1. Па со високи 12-3 заминаа на пауза.
Вториот дел започна идентично како и првиот со по два гола на двете страни за почетни, 14-5. Тимот на Ангели Вардар издоминира во продолжение, беше поактивен противник и успеа да дојде до бодови со резултат, 23-11.
РК Седмерец го совлада тимот на Бисинов(2) со резултат 24-3. Првиот дел започна со водство на охриѓани од 2-1, потоа Седмерец ја зголемуваше предноста од минута во минута. Со серија 9-0 тие отидоа на одмор со резултат 12-2.
Вториот дел беше рутина, втората екипа на РК Бисинов Вардар успеа да постигне во текот на ова полувреме еден погодок. Противникот доминираше и отиде на 21.гол предност на крајот. Победата дојде со резултат 24-3.