На списокот за ЕП се најдоа: Стоилов, Кукуловски, Кизиќ и Димитриоски

Денес, селекторот на машката репрезентација на Република Македонија, Данило Брестовац го објави поширокиот список на играчи на кои ќе смета за следното ЕП 2020 во Австрија, Норвешка и Шведска. На истиот   има и четири ракометари од Вардар.На поширокиот список од 28 ракометари се наоѓаат:   Дејан Кукуловски, Марко Кизиќ, Димитар Димитриоски и Стојанче Стоилов.

Подготовките стартуваат на 21 декември со собирот во Скопје, потоа до крајот на годината ќе следуваат пет контролни натпревари против Кувајт, Холандија и Романија или Алжир, а на почетокот на јануари нашите ракометари ќе тестираат со Словенија и Црна Гора.