Vardar Fans
Во предпоследното коло за оваа сезона, кадетите на Рк Вардар забележаа нова убедлива победа. Во С.Р.Ц. Кале црвено-црните беа подобри од екипата на Бутел, забележувајќи висока победа со резултат 50:13.
Најдобри поединци беа Анастасовски со 11 и Амзоски со 8 постигнати голови.
-Одигравме уште еден во низа одличен натпревар. Иако со послаб противник ние сериозно пристапивме кон овој натпревар, бидејќи ни е потребна таа гол разлика во трката за првото место со екипата на Металург. Сите одигравме максимално ангажирано, одлични во одбраната. Едноставно го принудивме противникот на грешки, со една агресивна одбрана и со лесни полуконтри и контри ги реализиравме нашите шанси. Им честитам на моите соиграчи за победата. Сега ни преостанува добро да се подготвиме за последното коло, каде и гостуваме на екипата на Струга. Се разбира одиме на нова победа, изјави Амзоски за нашиот сајт.
Звонко Ивановски
