Со Штербик во тимот ќе биде полесно!

На минатите два натпревари можеше да се забележи колку во тимот на РК Вардар недостасува Арпад Штербик. Октоподот, мораше да ги пропушти дуелите против Колдинг и Загреб поради повреда. На овие два натпревари без Штербик, речиси РК Вардар и да немаше голман, посебно во Данска. Диви и Џамбо немаа свои ден, а натпревар без одбрани неможе да се добие. Колку недостасуваа стандардните повеќе од 10-12 одбрани на Штербик секој натпревар… Но, тоа е минато, одиме понатаму, сезоната е долга, па и поразите мора да доаѓаат, тие се составен дел од спортот.

Одиме напред, утре ни доаѓа Киелце, минатата година беше нерешлива загатка за нашиот тим, но сигурно Раул и стручниот штаб го анализирале овој утрешен противник, и со сигурност можеме да кажеме, одиме на победа против полскиот шампион, и по ”одмазда” од минатата сезона, кога не елиминираа во 1/4 финалето, со две победи, и во Полска и во Скопје. На овој натпревар во екипата како што е добро познато се враќаат Душебаев и Штербик, а ќе недостасуваат Стоилов и Деревен.