Позитивни вести ни доаѓаат од РК Вардар. Според последните информации, Вуко Борозан ќе биде подготвен за првиот 1/8 финален натпревар и ќе патува заедно со екипата во Загреб.
Борозан како што е добро познато се врати на ракометниот терен на дуелот со Веспрем на домашен терен на 16.02. Овој натпревар нашиот бек шутер не требаше да го одигра бидејќи не беше 100% подготвен, па по натпреварот се чини почувствува нови болки, што го одалечија повторно од терените и ги пропушти сите натпревари на својот тим до овој момент.
Но, веќе тоа е минато. Го очекуваме Борозан во тимот за натпреварите кои ни претстојат, а тие се оние против Загреб во 1/8 финалето и Ф4 завршницата од СЕХА-лигата.
Покрај Вуко и Дисингер ќе биде подготвен за настап во сабота.