Friday ,22 March 2019
Последни:
Home > ФК Вардар > Петлиња > Победа и пораз за ФК Вардар генер. 2009 во денешното коло од детската лига
Победа и пораз за ФК Вардар генер. 2009 во денешното коло од детската лига

Победа и пораз за ФК Вардар генер. 2009 во денешното коло од детската лига

Генерацијата на ФК Вардар родени 2009 година денес на терените на ФФМ одиграа два натпревари во рамките на детската лига, коло во кое остварија по една победа и пораз.

Вардар (1) беше убедлив во дуелот со екипата на Смилковци, кој го доби убедливо со резултат од 16:0. По првото полувреме, избраниците на Колевски имаа предност од 6:0. Во овој дел од мечот два гола постигна Јаков Стојковски, додека по еден беа дело на Даниел Колевски, Дарин Михајловски, Васко Папаливски и Павел Котески-Митроски.

2 3

Првиот удар во вториот дел го имаше Папаливски, кој шутира само покрај голот на Смилковци, а се обиде и Стојковски, но одбрани голманот. Вардар и во овој дел од мечот имаше голема иницијатива, надигрувајќи го во целост противникот. Со својот втор гол денес, Павел Котески-Митроски донесе водство на Вардар од 7:0, откако погоди после нафрлена топка од корнер. Добра прилика за гол имаше и Марко Петровски, која остана неискористена, додека Котески-Митроски ја погоди само стативата. На нов гол не се чекаше многу време, а истиот го постигна Јаков Стојковски за кој ова беше хет-трик, што значеше предност на Вардар од 8:0.

1

Во листата на стрелци се запиша и Марко Петровски, за зголемување на 9:0, додека двоцифрена предностна Вардарци донесе Васко Папаливски кој погоди за предност од 10:0. Продолживме да постигнуваме голови, а во листата на стрелци се запиша и Андреј Гудов кој од голема далечина го совладува голманот на Смилковци, за предност од 11:0. После три корни, судијата покажа на белата точка за Вардар, а сигурен реализатор е нашиот голман Марко Баснарков, кој погоди за 12:0. Свој прв гол денес постигна и Матеј Крстевски за предност од 13:0, додека Дарин Михајловски зголеми на 14:0. Последните два гола на овој натпревар за избраниците на Илија Колевски беа дело на Гудов за 15:0 и Михајловски за конечни 16:0 на овој меч.

4

Вардар (2) пак беше поразен во мечот против екипата на Еуроспорт од Куманово, на овој дуел загубивме со резултат 1:3. Прв удар кон голот на противникот имаше Колевски, кој шутира покрај голот, а се закани и противникот кој биеше покрај нашиот гол. Се обиде и Влахо кај Вардар, безопасно, додека Еуроспорт имаше голема прилика, но шутира покрај голот на Грчевски.

5 6

Откако направивме три корни, тоа значеше пенал за противникот кој го реализираа за водство од 0:1, а пред крајот на првиот дел погодија и за водство од 0:2. Во второто полувреме падна по еден гол на двете страни, за конечни 1:3 на овој натпревар, а единствениот гол за Вардар беше дело на Јаков Стојковски.