Вардаре, доведе златно момче! Томовски блескаше на голот на Лудвигсхафен

Управата на РК Вардар 1961 направи вистински потег со доведувањето во Скопје на репрезентативниот голман на Македонија, Мартин Томовски кој игра во одлична форма и му носи победи на својот тим Лудвигсхафен.

Македонскиот голман денес имаше одлична партија помеѓу стативите и успеа да забележи 17 интервенции – што го направија играч на натпреварот против Балинген, на кој неговиот тим победи со резултат 27-22.

Томовски веќе неколку партии по ред брани одлично и тоа во најдобрата лига во Европа, што е доволен показател дека ,,црвено – црните” ќе имаат големо засилување на голот, веќе од август.