Шеваљевиќ со 4 гола дебитираше за Вардар во ЛШ

Вардар не успеа да освои бодови во дуелот со Порто, откако загуби со резултат 27:24. Своето деби во црвено-црниот дрес, што се однесува до настапите во Лигата на Шампионите го имаше новото засилување, Васко Шеваљевиќ.

Првичните впечатоци се позитивни за црнагорскиот репрезентативец кој пристигна од првенството на Франција. Новиот лев бек на Вардар го заврши натпреварот со 4 голови, а исто така имаше свој придонес во одбраната, како и неколку добри проигрувања до своите соиграчи. Посебно убав беше првиот гол, кога ја закова топката во горниот лев голмански агол. Сигурно дека Шеваљевиќ ќе биде силно засилување за левата бековска позиција, каде ги имаме уште Талески и Дисингер кој поради повреда го пропушти вчерашниот дуел.