Vardar Fans
Денес ќе бидат пуштени билети за натпреварот на Вардар против ППД Загреб, кој е закажан за утре со почеток од 20:15 часот, во рамките на 1/4 финалето од СЕХА-лигата.
Како што објавија од клубот, за овој натпревар салата ќе биде исполнета со капацитет до 1.800 гледачи, па кои денес ќе бидат најбрзи да набават БЕСПЛАТЕН билет, ќе можат во живо утре да го проследат натпреварот од трибините во С.Ц. Јане Сандански.
Билетите ќе бидат достапни на БИЛЕТАРНИЦАТА 2 (пред влезот на малата сала во СЦ „Јане Сандански” (25 август 2021 година) во периодот од 11:30 до 15:30 часот.
Според последните протоколи што ги усвои Владата, влез ќе им биде дозволен само на лицата кои ќе имаат:
* сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза вакцина против заразната болест КОВИД-19 или
*сертификат/потврда за прележан КОВИД-19 во последните 45 дена, сметајќи од денот на оздравувањето, за лица над 18-годишна возраст
Истиот треба да го покажат при влегување во салата.
