Кој ќе биде поуспешен попладнево?

Попладнево во Автокоманда ќе го добиеме новиот владетел на ракометниот Куп. Вардар по пауза од две години ќе има можност да го врати трофејот во своите витрини, а пак битолчани ќе сакаат титулата да замине на пат за Битола.

Во многу нешта денешниот натпревар ќе зависи од две ракометни фигури. Тоа се Кристијан Дисингер од едната страна и Стипе Мандалиниќ од другата страна. Левите бекови одиграаа одличен натпревар во полуфиналните натпревари и наговестија дека се спремни за уште една добра шутерска партија.

Ние, секако се надеваме и очекуваме дека Дисингер ќе ја добие оваа битка на левите бекови и со самото тоа ќе допринесе за успех на својот тим Вардар.

Мечот за трофејот во финалето на Купот на Македонија ќе се одигра од 17:30 часот.