Тимур Дибиров на следниот меч против Барса, има шанса да запише “јубилеј“ во дресот на Вардар

Рускиот репрезентативец, Тимур Дибиров ја игра својата шестта сезона во црвено-црниот дрес, откако пристигна од екипата на Чеховски Медведи. Дибиров е од почетокот на проектот, откако клубот го превзема Сергеј Самсоненко.

Дибиров сигурно ќе испише историја во Вардар, како моментално најдобар стрелец на црвено-црните во Лигата на Шампионите. Следниот дуел во најголемото натпреварување, кој на програмата е во недела против екипата на Барселона може да биде јубилејен за Дибиров, кој треба да го прослави својот 400-ти гол во дресот на Вардар.

Досега руското лево крило има постигнато 399 голови во црвено-црниот дрес, во овие шест сезони како е дел од клубот. Само уште еден гол му недостасува да стигне до бројката 400, која сме сигурни дека ќе ја надмине на дуелот со Барса, а само да го послужи и здравјето, Дибиров може да направи и нов јубилеј во следната сезона, со оглед дека има договор со Вардар до 2020 година.