Monday ,16 July 2018
Последни:
Home > РК Вардар > Прв Тим > Дибиров и Шишкарев најдобри стрелци во победата на Русија, над Словачка, која значи и обезбеден бараж за пласман на СП
Дибиров и Шишкарев најдобри стрелци во победата на Русија, над Словачка, која значи и обезбеден бараж за пласман на СП

Дибиров и Шишкарев најдобри стрелци во победата на Русија, над Словачка, која значи и обезбеден бараж за пласман на СП

Ракометната репрезентација на Русија стигна до својата петта последователна победа, во рамките на квалификациската група 1, за баражот за пласман на светското првенство во 2019 година.

Избраниците на Кокшаров и Дејвис овој пат славеа на гостувањето во Словачка, со резултат од 26:32. Во почетните минути резултатот беше израмнет на 2:2, а од тој момент Русија постигна три последователни голови и се одлепи резултатски на 2:5. Во следните десет минути, гостинската селекција имаше водство кое се движеше од 2-4 голови разлика. Русија имаше постојана предност и контрола на резултатот, во три наврати имаа и пет голови разлика, како и највисоки шест гола (9:15), но Словачка ги постигна последните два гола до истекот на првите 30 минути и на одмор се замина со резултат од 11:15.

Вториот дел започна со гол на Русија, а Словачка се обиде да фати резултатски приклучок кога имаше само три гола негатива (14:17). Сепак избраниците на Кокшаров не дозволуваат резултатска неизвесност, па со серија од 0:4 успеваат за прв пат на натпреварот да имаат највисоки седум голови разлика (14:21). Во следните минути Словачка успева да намали на 17:22, но Русија со нова серија на погодоци успева да стигне и до двоцифрена предност од 18:28. До крајот, Словачка успеа да намали и да го ублажи поразот.

Повторно најефикасни во составот на Русија беа играчите на Вардар, Тимур Дибиров и Данил Шишкарев кои постигнаа по 5 голови. Со овој триумф на едно коло пред крајот, Русија обезбеди бараж дуел, за пласман на светското првенство во 2019 година.