Дибиров: Имам и други понуди, но сакам да останам во Вардар

Во очекување на тоа како ќе изгледа Европскиот Шампион за наредната сезона, своите карти ги отвори и еден од играчите со најдолг стаж во редовите на Вардар.

Тимур Дибиров кој ја игра својата седма сезона во црвено-црниот дрес, во интервју за „Балкан Хандбал“ изјави дека неговиот претстој во Скопје се уште е неизвесен и дека шансите се 50-50 за да остане во Вардар или да го напушти клубот.

-Секако дека имам и други понуди од екипи кои играат во Лигата на Шампионите. Вардар за мене е прва опција и понатаму бидејќу тука се чувствувам како дома. Ќе чекам до крај, па ќе одлучам каде ќе продолжам, истакна Дибиров.

Од неодамна, Дибиров стигна до бројката од 888 голови, со кои стана четвртиот најдобар стрелец во историјата на  Лигата на Шампионите, веднаш после Карабатиќ, Лазаров и Илиќ.