Ел-Тајар две сезони на позајмица во Вардар 1961!

По репрезентативецот на Македонија Мартин Томовски, Вардар 1961 договори уште еден голман за идната сезона. Се работи за египетскиот репрезентативен голман Мохамед Есам Ел-Тајар кој доаѓа во Скопје на две-годишна позајмица од редовите на Ал-Ахли.

Дека се работи за фантастичен голман и дека ,,црвено – црните” добиваат екстра засилување помеѓу стативите покажа последното Светско првенство, каде Ел-Тајар бранеше маестрално. Наскоро очекуваме и официјална потврда од Вардар 1961.

Вардарци засега се засилија со Томовски, Чувара, Ѓукиќ, Кудуз и Гурбиндо.