Вардарците Канелјас и Душебаев на С.П, тие го минаа последното кратење на Рибера

Кормиларот на шпанската ракометна репрезентација Жорди Рибера, го скрати списокот на играчи за Светското првенство во Франција. Останаа  17 ракометари меѓу кои и вардарците Канелјас и Душебаев со кои ќе ги заврши подготовките за мундијалот во Франција.

Двајцата вардарци заедно со останатиот дел од ростерот утре, на 3-ти јануари ќе се соберат во Ирун, а пак црвено-жолтите од 6-ти до 8-ми јануари ќе го одиграат традиционалниот турнир. Тие ќе играат против Полска, Аргентина и селекцијата на Катар. Во првиот поширок список треба да се напомене дека беа и Штербик и Македа кои по претходното кратење отпаднаа. Шпанија ќе го започне светското првенство во групата Б која ќе се игра во Мец.  Во истата група игра  Македонија, покрај со неа  ќе се сретне со Словенија, Исланд, Тунис и Ангола. Селекторот покрај двајцата вардарци на својот список ги има и овие 15 ракометари:

Голмани: Гонзало Перез де Варгас (Барселона), Родриго Коралес (Плоцк)
Леви крила : Ангел Фернандез (Ла Риоха), Валеро Ривера (Барселона)
Леви бекови : Жоан Канелјас (Вардар), Иосу Гони Леоз (Аикс-ен-Прованс), Алехандро Костоја (Адемар Леон)
Централни бекови : Раул Ентрериос (Барселона), Дани Сармиенто (Ст. Рафаел)
Десни бекови : Алекс Душебаев (Вардар), Едуардо Гурбиндо (Нант)
Десни крила: Виктор Томас (Барселона), Давид Балагуер (Нант)
Пивоти : Хулен Агинагалде (Киелце), Гедеон Гвардиола (Рајн Некар Ловен), Адриа Фигуерас (Гранолерс), Виран Морос (Барселона).