Мораес Фереира се опоравува после операцијата и полека започнува со вежби

Пред еден месец, бразилскиот пикер во редовите на Вардар, Рожерио Мораес Фереира направи операција на коленото, повреда која го мачеше од почетокот на сезоната. Фереира имаше проблеми со менискусот, па неопходна беше да се направи операција. Пикерот на Вардар би требало да биде подготвен за пролетниот дел од сезоната, кога од месец февруари продолжуваат настапите во Лигата на Шампионите.

Фереира на својот инстаграм профил се заблагодари на целиот персонал на Болницата “Аџибадем Систина”, кои се грижат за неговото опоравување да тече побрзо.