Мораес Фереира еден од најдобрите стрелци на Бразил, на “Јужноамериканските игри“

Пикерот на Вардар, Рожерио Мораес Фереира со репрезентацијата на Бразил се натпреварува на Јужноамериканските игри, кои се одржуват во Боливија.

Бразилците во групната фаза немаа рамноправен противник и лесно ги добиваа мечевите. Беа совладани селекциите на Перу (50:12), потоа домашната репрезентација на Боливија (50:5) и во последното коло, “кариоките“ беа подобри од Чиле, славејќи со резултат 39:30.

На овие три меча, Фереира беше еден од најдобрите стрелци на Бразил и успеа да постигне вкупно 16 голови, најавувајќи дека ќе биде еден од адутите на својата репреззентација во борбата за првото место на ова натпреварување.