ФИНАЛЕ: РК Филип и РК Илинден во борба за златниот медал, во машкиот дел на турнирот кај генер.2000/01

Веќе се одиграа и полуфиналните натпревари во машкиот дел на турнирот “Вардар, еден живот, една љубов, кај генерација родени 2000/01 година. Во големото финале ќе играат екипите на РК Илинден и РК Филип. Полуфиналните дуели се играа во големата сала на С.Ц. Јане Сандански.

Екипата на РК Илинден со пресврт во вториот дел дојде до победа во дуелот со екипата на РК Гостивар.

Прв со погодок отвори тимот на РК Гостивар Вардар. По две минути игра без погодок, следуваше уште еден гол во мрежата на РК Илинден Вардар за 2:0. Во петтата минута од мечот РК Илинден Вардар го постигна првиот погодок денеска за 2:1. Во следната акција противникот повторно постигна погодок за 3:1. РК Илинден Вардар врати веќе во следниот напад со гол од крило за намалување на водството на 3:2. Потоа следуваше серија од три погодоци едно по друго за тимот на РК Гостивар Вардар за веќе 5:2 во 8 минута од мечот. По минутата одмор кој ја побара тренерот на РК Илинден Вардар, следуваше гол на неговиот тим за намалување на предноста на 5:3. Во 11 минута со два гола во серија РК Гостивар Вардар дојде на највисоки денеска 7:3. Во 15 минута резултатот гласеше 9:7 за РК Гостивар Вардар. Со овој резултат се замина на полувреме.

Во вториот дел прв со погодок отвори тимот на РК Илинден Вардар за резултат 9:8. Следуваше уште еден погодок на РК Илинден Вардар за егал резултат 9:9. РК Илинден Вардар во продолжението од мечот направи серија од два погодоци и го превзема водството во 21 минута од натпреварот. Потоа РК Илинден Вардар продолжи со добрата игра, следуваа три погодоци во серија, од кој два беа од контра напад за 15:13. Во продолжението од мечот на четири минути од крајот резултатот гласеше 17:15 за РК Илинден Вардар. На минута и пол пред крајот на мечот РК Илинден играше со играч помалку, но сепак успеаа да постигнат гол и да слават голема победа издвојувана со резултат 18:16.

Во победничкиот тим први стрелци беа Давид Николовски и Драган Драгомировски кој постигнаа по пет погодоци. Кај поразениот тим се истакна Христијан Димитријески кој постигна пет погодоци.

Во второто полуфинале се сретнаа екипите на РК Филип Вардар и РК Урдаревски. Поуспешен беше тимот од Прилеп кој славеше со резултат.

Мечот започна со одбрана на голманот на Филип, Брајан Петкоски кој важи за најголем претедент да ја освои наградата за најдобар голман на завршниот турнир. Во првите минути резултатот беше израмнет на 1:1, за РК Филип прв да се одвои на два гола предност (1:3). Во 11 минута, избраниците на Таневски стигнаа и до предност од три голови (2:5) и полека градеа предност која ги носеше поблиску до финалето. До крајот на првиот дел со нова серија од 1:3 на полувреме заминуваат со солидно водство од 3:8.

Првиот погодок во второто полувреме беше по пет минути игра, а го постигнаа РК Филип за веќе предност од 3:9. Веќе во 23 минута, избраниците на Таневски имаа и највисоки седум гола разлика (4:11), по што најавија дека се блиску до финалето. Ова водство го одржуваа до крајот, за конечен резултат од 5:13.

Така во големото финале на турнирот кај оваа генерација ќе играат екипите на РК Илинден и Филип. И овој дуел ќе се одигра во големата сала на С.Ц. Јане Сандански.