Изминатиов викенд финишираше третото издание на ракометниот младински турнир “Вардар, еден живот, една љубов“ на кој учествуваа повеќе од 23 ракометни школи од цела Македонија. Во текот на вчерашниот ден ги добивме победниците во машкиот и женскиот дел кај генерација родени 2004/05 година.
Во машка конкуренција, првото место му припадна на РК Бисинов кој во големото финале го победи ГРК Гостивар. Бронзениот медал е за РК Илинден, додека четвртото место го освои РК Карпош од Куманово. По одигрување на финалните натпревари беа доделени наградите за најдобрите поединци.
Наградата за најдобар стрелец ја доби Иле Табаков од екипата на РК Бисинов, кој вкупно на турнирот постигна 29 голови.
Најдобриот играч е исто така од шампионскиот тим на Бисинов и тоа за Давид Славевски.
Признанието за најдобар голман на завршниот турнир заврши во рацете на Мартин Димитриевски од екипата на ГРК Гостивар.
Победник во женскиот дел е РК Кале од Кичево која во финалниот натпревар ја победи екипата на РК Кастратовиќ 1. Третото место им припадна на РК Ново Лисиче, додека РК Кастратовиќ 2 се пласираа на четвртото место. И тука беа доделувани поединечни нахради за најдобар стрелец, играч и голман на турнирот.
Бојана Коцева од РК Ново Лисиче е најдобар стрелец со 36 постигнати голови.
Сара Стефаноска и повеќе од заслужено е прогласена за најдобар играч на завршниот турнир, која настапува за РК Кале-Кичево.
Наградата за најдобар голман и припадна на Леа Христовска од РК Кастратовиќ 1.