Хрватска подобра на контролен натпревар од Русија, Анте Гаџа постигна два гола

Хрватската ракометна репрезентација одигра контролен натпревар против Русија, како подготовка за претстојното Европско првенство.

Избраниците на Хрвоје Хорват во најголем дел од натпреварот имаа предност и на крајот заслужено стигнаа до победата. После 11.минути игра веќе поведоа со 6:2, додека на средината на првото полувреме имаа и највисоки пет голови разлика, резултатот на семафорот гласеше 9:4. Позитивата ја задржаа до крајот на првиот дел, кога на одмор се замина со водство на Хрватска од 15:12.

Иако настапија без главните играчи, како Дувњак и Циндриќ, сепак Хрватска покажа дека е поквалитетна репрезентација од Русија. Не само што го задржаа водството во вториот дел, туку и го зголемуваа, за конечна победа изразена со резултат 30:24.

Единствениот вардарец на овој натпревар беше Анте Гаџа, кој успеа да постигне два гола од три обиди кон голот на Русија.