Гонзалес: Доколку одиграме како со Фленсбург, имаме реални шанси да победиме

Уште два дена остануваат до големиот ракометен спектакл во Келн. Дел од него ќе биде и екипата на Вардар, како дебитант на завршните турнири во најголемото ракометно натпреварување. Црвено-црните имаат одлична сезона во ЛШ, која ја крунисаа со историски пласман на Ф4 во Келн. Таму во полуфиналето ги очекува екипата на Барселона, натпревар кој ќе се одигра во сабота со почеток од 18 часот. Тренерот Гонзалес е свесен за “тежината“ на овој натпревар, истакнувајќи дека доколку одиграме како на двомечот со Фленсбуг, имаме големи шанси да славиме и на саботниот натпревар.

-Барселона е одлична екипа. Беше првопласирана во групата, како и ние. Очекувам, многу, многу тежок натпревар. Барселона има се, искуство, млади играчи кои сакаат да се докажуваат и победуваат, едноставно имаат добра приказна. Но доколку ние се спремиме, како за Фленсбург, а работиме на тоа, со голема мотивација и многу борба имаме реални шанси да победиме.