Никола Хаџидимовски: Успехот со кој го отворивме пролетниот дел, се должи на напорната работа и колектив на целиот тим

Третта последователна победа за младинците на РК Вардар Јуниор во пролетниот дел од сезоната во групата 2 од младинската лига. Изминатиов викенд, избраниците на Пепи Манасков гостуваа на екипата на Македонија Ѓ.П која ја совладаа убедливо со резултат 26:36 и на тој начин му вратија на противникот за поразот од првиот дел на сезоната. Ова  е вкупно петта победа за црвено-црните во оваа натпреварувачка сезона, со што реално ги задржавме шансите за освојување на второто место во регуларниот дел од сезоната, иако патот до таа втора позиција ќе биде тежок за Вардар. Најефикасни во победата против Македонија Ѓ.П беа Лука Благопетров со 8 и Никола Хаџидимовски со 7 погодоци. За впечатоците од триумфот можете да прочитате од изјавата на Хаџидимовски:

-За разлика од првиот дел на сезоната се гледа напредок и поголем успех во нашата екипа. За натпреварот со Ѓорче Петров, истиот противник од кој загубивме во есенскиот дел, на овој меч ги победивме со десет голови разлика. Со тоа се гледа дека има голем напредок и надеж од нашата екипа. На почетокот од натпреварот домашниот тим поведе со 4:1, но ние успеавме да се вратиме во игра и да изедначиме на 6:6. Од тогаш не дозволивме противникот повторно да се одлепи и првото полувреме заврши со предност од пет гола разлика за нашата екипа. До крајот на натпреварот имавме целосно водство и со колективност и одбрана го добивме натпреварот. Успехот со кој го отворивме пролетниот дел, се должи на напорната работа и колектив на целиот тим и се надевам на пласман за Ф4.

Звонко Ивановски