Вујовиќ: На секој натпревар сме блиску, но остануваме без бодови, се фокусираме на следниот натпревар со Загреб

Вардарци дадоа силен отпор на натпреварот со Кил, но сепак на крајот домашниот тим ги освои бодовите. Бевме рамноправни во голем дел од натпреварот, имаше моменти кога сериозно се заканувавме на предноста на домаќинот, но сепак и некои промашени зицери допринесоа за конечниот пораз, кој беше изразен со резултат 32:30.

После натпреварот, своите впечатоци за медиумите во Германија ги сподели Вујовиќ кој го изјави следново:

„Честитки за мојот колега Јиха, видовме еден добар натпревар во убава атмосфера како што е секогаш кај Кил. За нас, ситуацијата е малку депресивна затоа што на секој меч сме блиску, но остануваме без бодови. Ова е тешко, но ќе се обидеме да направиме нешто во последните натпревари. Ова беше доста тежок дуел од почетокот, Кил е можеби најдобриот тим во Европа и во Германија. Се боревме, но ова е добар резултат за Кил. Мора да се фокусираме на следниот дуел со Загреб каде сакаме да победиме“