Vardar Fans
Денес во спортскиот центар “Кале“ се играат дел од мечевите од четврттото коло во ракометната Вардар Јуниор Лига. Се одиграа во генерацијата 2004/2005 еден машки и еден женски дуел. Кај момците победи РК Бисинов, а кај девојките РК Ново Лисиче .
Во машкиот дуел РК Бисинов Вардар ја совлада екипата на РК Будимир Вардар со резултат 15-8. Први со гол мечот го отворија момците на Бисинов, кој потоа со уште два гола поведоа со 0-3. Момците на РК Будимир намалија во продолжение на 1-3. Потоа се играше игра гол за гол, двата колектива погодија по трипати во противничката мрежа. На одмор се отиде со резултат 4-6 во корист на Бисинов.
Вториот дел повторно со гол го почнаа момците на Бисинов, тие на почетокот од вториот дел направија голема серија со која го најавивја победникот. Тие прават серија 0-6 со која ја обезбедуваат победата поведувајќи со високи осум гола, односно 4-12. По ова играат мирно со долги напади реализириајќи и одржувајќи ја преноста, во игра гол за гол однесоа победа со конечни 8-15. Кај победникот Табаков имаше ‘ гола и Андовски имаше 3 гола. Кај поразените се истакна Кимов со 3 гола.
Кај девојките во генерација 2004/2005 РК Ново Лисиче однесе победа над тимот на РК Кастратовиќ. Први со гол мечот го отворија девојките на Кастратовиќ поведувајќи со 1-0. Потоа следува голема серија на Ново Лисиче кој прави серија 1-5 поведувајќи со резултат 2-5. Со два последователни гола девојките на Кастратовиќ намалуваат на 4-5 и со минимална негатива идат на одмор.
Веднаѓ на почетокот на вториот дел успеваат со гол и да изедначат на 5-5, сепак девојките на Ново Лисиче прават 2-4 и си го враќаат водството поведувајќи со 7-9. Докрај игра гол за гол во која девојките на РК Ново Лисиче Вардар успеја да обезбеди триумф со 10-11. Стандардно најдобар стрелец кај победникот три кола по ред е Бојана Коцева, која денес постигна 7 гола. Кај поразените Ана Миова имаше 4 гола.
