Vardar Fans
Репрезентацијата на Хрватска го освои бронзениот медал на ЕП во Полска, откако во борбата за третото место беа подобри од селекцијата на Норвешка. Конечниот резултат на овој дуел гласеше 31:24.
Во првите десет минути се играше доста израмнето, кога Хрватите зпочнаа резултатски да се одлепуваат. При резултат од 6:6, следува серија на избраниците на Бабиќ од 5:0 за највисоко водство од 11:6. Оваа предност која ја стекнаа во овој период успеаа да ја одржат до крајот на првото полувреме, кога на одмор Хрватска замина со четири гола позитива 15:11.
Вториот дел започна со гол на Златко Хорват, за враќање на оние најголеми пет голови позитива. Во наредниот пад следи пад во играта на Хрватска, што и овозможува на Норвешка да го израмни резултатот на 17:17. Хорват и Дувњак ја прекинуваат серијата на Норвешка, за водство од 19:17. Неизвесност околу победникот траеше се до моментот кога резултатот беше 22:21. Од тие моменти Хрватите го прават решавачкиот чекор, успеваа да постигнат дури шест голови во серија (28:21) и да го решат освојувачот на третото место. Крајот на натпреварот само рутински го приведоа и сосема заслужено се радуваа на овој триумф.
Ракометниот клуб Вардар имаше два свои претставника во ова мало финале. Тоа беше Игор Карачиќ кој постигна 2 гола и Лука Циндриќ кој не се запиша во листата на стрелци. Во големото финале, кое е во моментов за златото се борат Шпанија и Германија. Штербик, Македа и Душебаев се црвено-црните ракометари, кои на крајот се надеваме дека ќе се закитат со златниот медал.
