Вардарецот, Мартин Карапалевски најефикасен играч во поразот на кадетската репрезентација, на контролен меч против Ј.Кореја

Кадетската ракометна репрезентација се наоѓа на турнир во Унгарија, каде одигра контролен натпревар со селекцијата на Јужна Кореја. Овој дуел го загубивме со резултат 27:32.

Во најголем дел од дуелот, противникот имаше предност, која на полувреме беше изразена со седум голови разлика (16:9). Најефикасен на овој меч беше играчот на Вардар, Мартин Карапалевски кој постигна шест голови. Од играчите на Вардар, во листата на стрелци се запишаа и Игор Ѓорѓиев со два гола, како и десниот бек, Васе Наков кој имаше еден гол, но предвреме мораше да го напушти овој натпревар поради повреда.

Во претстојниве денови, избраниците на Брестовац и Грчевски ќе играат против селекцијата на Унгарија. Селекцијата на Македонија се подготвува за ЕХФ шампионатот, кој е предвиден да се одигра во месец август, во Грузија ( Тбилиси).