Vardar Fans
Ова ќе биде првпат по стартот на пандемијата да се дозволи присуство на навивачи на трибините и тоа по пауза од 14 месеци, откако последен пат нормални натпревари беа одиграни лани во март пред прогласувањето на „локдаунот“.
Според најавите, Владата ќе дозволи на трибините во салите и стадионите да бидат исполнети најмногу до 30-отсто од капацитетот, запазувајќи ги сите здравствени протоколи кои во моментов важат, а тоа е користење средства за дезинфекција и задолжително носење маска на лицето.
Прв сериозен предизвик на кој црвено-црните тимови ќе имаат поддршка е Ф-4 во Купот, каде ЖРК Вардар и РК Вардар 1961 ќе се борат за пехар. Но и ФК Вардар ќе може во последното коло да биде гледан од Комити во ПМФЛ.
