Vardar Fans
Вардар забележа нова победа во сеха-лигата, откако вчера на домашен терен ја победи екипата на Загреб. Така црвено-црните на најубав можен начин му вратија на Хрватскиот шампион, за оној пораз на нивни терен. Овој пат нашите момци го добија убедливио дербито во сеха-лигата, со резултат 33:24. Во нашиот состав по 5 погодоци постигнаа Лацковиќ, Циндриќ и Горбок. Хрватскиот интернационалец во нашите редови Лацковиќ истакна задоволство од прикажаната игра.
-Најбитно е што влеговме сериозно во натпреварот уште од првите секунди. Бевме цврсти во одбраната, Штербик беше одличен на голот, што ни овозможи брзи полу-контри за постигнување на лесни голови. Ги искористивме техничките грешки на Загреб во првите 15 минути, кои не влегоа 100 посто во овој натпревар. Ние како една голема екипа го казнивме тоа и кога направивме голема разлика, Загреб може не се откажа но сфати дека нема шанси да ги освои бодовите во Скопје.
До крајот на годината остануваат уште три натпревари за играње во сеха лигата. Во следните седум дена ќе одиграме дури три натпревари. На гостински терен ќе се сретнеме со екипите на Војводина и Татран, додека во последниот меч во Ј. Сандански го пречекуваме Спартак. Лацковиќ даде кратко видување за резултатите до овој момент.
Една добра година оставаме пред нас. Освен натпреварите тука со Барселона и Колдинг на гостински терен, кои некако “бодат“ во око и поразот против Брест Мешков во сеха-лигата, останатото дефинитивно добро го одигравме. Долга е сезоната, имавме неколку повреди на играчи кои се од големо значење за нашата игра. Сепак битно е да ја заокружиме годината победнички и следната година после Европското првенство да бидеме сите здрави и да се вратиме на предизвиците кои ни следуваат, изјави Блаженко Лацковиќ за нашиот сајт.
Звонко Ивановски
