Vardar Fans
Пионерите на ракометниот клуб Вардар земаат учество на силниот меѓународен турнир “Локомотива Куп 2016“ кој се игра во Брчко-Босна и Херцеговина. Тие во групата имаат четири противника со кои вчера и денес мора да одиграат натпревари. Вчера стартувавме со одличен успех една победа и реми за момците на Будимир.
На првиот меч вчера дојде и првата победа, во дуелот против екипата на УБ однесовме триумф со резултат 20:11 (11-6), во меч во кој целосно доминиравме заслужено однесовме победа. Потоа пионерите на Вардар, предводени од Андријана Будимир го одиграа и вториот натпревар, во истиот ремизираа со екипата од Хрватска. Протиник во овој меч ни бше тимот на Каштел Сплит, конечниот резултат на овој дуел гласеше 14:14 (8-7). Во овие два дуела кај стрелците во нашиот состав се истакнаа највеќе: Бојан Чакалиќ кој постигна 9 гола (5 на првиот и 4 на вториот меч) и Давид Савревски кој исто така погоди 9 пати (3 на првиот и 6 на вториот меч). Во текот на денешниот ден ги продолжуваме настапите на турнирот, и ќе одиграме два меча по кои ќе ја комплетираме во целост групната фаза од овој турнир кај момците родени 2002 година и помали. Првиот предизвик не очекува од 14:45 часот. Во овој дуел се среќаваме со екипата на Марк Хандбал која доаѓа од Франција. Вториот меч денес воедно и последен во групата го играме во 17-00 часот против тимот на Загреб.
