Во последниот месец од СЕХА-лигата, кога се играа натпревари од регуларниот дел, СЕХА регионалната лига го избра најдобриот тим за месец март. Во него се најде голманот на Вардар, Страхиња Милиќ и тренерот, Раул Гонзалез. Милиќ беше многу почесто на голот на Вардар во ова натпреварување и имаше блескави партии на голот на црвено-црните оваа сезона во СЕХА-лигата, посебно во месец март. Раул Гонзалез очекувано е најдобриот тренер кој со Вардар постави рекорд во СЕХА-лигата, со 17 победи и само еден нерешен резултат, во регуларниот дел на сезоната.
Во идеалниот тим за месец март се најдоа следниве:
Страхиња Милиќ ( голман)
Нико Медвед ( лево крило)
Гал Маргуч ( десно крило)
Веселин Јелиќ ( пикер)
Борут Машковчек ( лев бек)
Филип Кузмановски ( среден бек)
Златко Хорват ( десен бек)
Раул Гонзалез ( тренер)