Милосављев не се шегува, 14 одбрани против ПСЖ!

Дејан Милосављев иако се чини дека е потценет од ракометната јавност, сепак, новиот голман на Вардар со своите партии во подготвителниот период покажува дека може на еден натпревар да “фати” и по 14-15 топки и тоа на феноменални екипи.

Еден од најзаслужните што Вардар имаше “плус шест” вчера на полувреме против ПСЖ е токму голманот Милосављев кој за 30. минути имаше осум одбранети топки. Во вториот дел, придодаде уште шест, за вкупно 14 на оваа средба. Доколку го бранеше целиот натпревар, со сигурност ќе имаше и преку 16-17 одбранети удари.

Инаку, на турнирот во Стразбур, покрај од неговиот тренер учи и добива совети и од довчерашниот голман на нашиот тим, Арпад Штербик. (ФОТО)