Претстојниот викенд стартуваше новата сезона на ракометната “Јуниор“ лига. Се одиграа многу натпревари во различни возрасни генерации, во машка и женска конкуренција. Градовите Скопје, Прилеп, Кичево и Кавадарци беа домаќини на првиот турнир за оваа натпреварувачка сезона. Во Скопје во големата сала на спортскиот центар Јане Сандански се одиграа натпревари кај најмладите дечиња родени 2006-2009 година. Тука екипи се мешани, составени од момчиња и девојчиња.
РК Делчево-Вардар (1) беше поуспешен од екипата на Опш. Кисела Вода- Вардар (7). Резултатот конечен на овој дуел гласеше 13:1 во корист на Делчево. По првото полувреме имаа водство од 6:0. Својот прв гол Кисела Вода го постигна во последната минута кога намали на 12:1. До крајот на мечот уште еден гол во мрежата на Кисела Вода за убедливи 13:1. По три гола постигнаа Сара Петровска и Магдалена Георгиевска.
Победа забележа и РК Делчево-Вадар (2) во дуелот со Опш. Кисела Вода-Вардар (5). Тука гледавме понеизвесен меч, каде на полувреме Кисела Вода имаше водство од 1:3. Во вториот дел Делчево го сврте резултаот во своја корист. Најпрво поведе со 6:5, следеше израмнување, но последнот гол му припадна на Делчево за конечни 7:6. Влатко Димитровски постигна 4, додека Теона Златковска беше стрелец на 4 погодоци.
Победа забележа Опш. Кисела Вода-Вардар (6) во дуелот со екипата на Ново Лисиче. Во текот на целиот меч имаа водство, на полувреме резултатот беше 0:2. Последниот гол беше дело на Кисела Вода за намалување на 1:6, што беше и конечен резултат на овој натпревар.
Интересен натпревар одиграа “братските“ екипи на Гостивар-Вардар (1) и Гостивар-Вардар(2) кои одиграа со нерешен резултат 6:6. Гостивар (2) имаше почетно водство од 0:2, но поблиску до победата беше Гостивар (1) кој водеше со 6:5. Сепак на крајот мечот заврши со нерешен резултат.
Победа забележа РК Војнисон-Вардар во дуелот со екипата на РК Ѓорче Петров-Вардар. Екипата од Ѓорче водеше со 4:5, но последните два гола на мечот беа дело на РК Војнисон за конечни 6:5.