Недановски: Нашите цели остануваат исти за оваа сезона

Денес со почеток од 16:00 часот, екипата на РК Вардар ќе го одигра првиот натпревар годинава. Во рамките на 1.коло во СЕХА-лигата црвено-црните ќе гостуваат кај екипата на Татран Прешов. Своите очекувања за натпреварот ги сподели тренерот на Вардар, Владо Недановски, кој нема да може да смета на тројца играчи за овој прв дуел во СЕХА.

„Ги гледавме Татран како играат на видео-анализа и мислам дека стилот на игра на нивните натпревари не се промени и покрај новиот тренер. Ние се подготвуваме за вториот дел од сезоната во кој ќе имаме доста натпревари. Ристовски, Добрковиќ и Атанасовски нема да бидат дел од овој натпревар. Но, ние разговаравме за нашите цели за сезоната и тие остануваат истите, истакна Недановски.