Вардар има дури 11 повикани репрезентативци, најголем број покани за Русија

Во европскиот ракомет претстојат дуели  за пласман на Европското првенство во 2020 година. Односно следи ЕХФ-недела каде што се активираат националните селекции на стариот континент. Вардар за сениорска конкуренција доби дури 11 покани за свои играчи. Бројот ќе беше и поголем доколку не беше повреден Горбок и доколку одговореше на поканата Борозан.

Во руската селекција имаме четири играчи, во план беше и Горбок, сепак тој е повреден на подолг временски период. На списокот на селекторот на Русија и спортски директор во Вардар, Кокшаров се најдоа: Дибиров, Шишкарев, Кисељев и Калараш. За Хрватска ќе настапи Игор Карачиќ, апак  за сениорската српска селекција по одличните партии во црвено-црниот дрес повик доби Дејан Милосављев. Младиот словенечки играч, Грегор Оцвирк, кој на почетокот на оваа сезона се пресели од РК Целје  во Вардар, доби повик од селекторот Веселин Вујовиќ и ќе дебитира за сениорската репрезентација.  За мечевите со Италија и Словенија репрезентативен повик доби Кристопанс. Покрај ова за црвено-жолтата селекција Раул Гозанлез подели три покани. Боите на Македонија ќе ги бранат: Столе Стоилов, Мартин Поповски и младиот Мишевски Мартин од Вардар Јуниор.