Sunday ,31 May 2020
Последни:
Home > РК Вардар > Младински лиги > Пионерите на РК Вардар се вратија на победите, вечерва совладан тимот на Алушовски
Пионерите на РК Вардар се вратија на победите, вечерва совладан тимот на Алушовски

Пионерите на РК Вардар се вратија на победите, вечерва совладан тимот на Алушовски

За неполни 24 часа, пионерите на ракометниот клуб Вардар денес го одиграа и второто пролетно коло во рамките на групата 3 од пионерската лига. Откако вчера вечерта во С.Ц. Јане Сандански, одигравме со нерешен резултат (19:19) во дуелот со екипата на Аеродром, вечерва вардаровите пионери ја победија екипата на Алушовски и тоа на теренот на противникот.

Во првото полувреме видовме мал број на постигнати голови, а Вардар на кратка пауза замина со предност од 5:7. Откако и двете екипи ги постигнаа своите први голови, избраниците на Петковски беа тие кои први се одлепија на два гола разлика (2:4). За момент домашниот тим го намали резултатот, но следеше серија за вардарци кои го зголемија водството и на 3:6. До крајот на првото полувреме, противникот го намали резултатот и на одмор се замина со резултат 5:7.

Вардарци во второто полувреме имаа постојана предност и контрола на резултатот. Првите два гола во вториот дел ги псотигна Вардар, со кои стигна до најголема позитива од четири голови (5:9). Екипата на Алушовски се обидуваше да се врати во игра, намали на два гола негатива (8:10 и 10:12), но сепак црвено-црните постигнаа два голови во серија и поведоа со 10:14. Алушовски веќе немаше сили да се доближи резултатски, ние поведовме и со 11:16, додека крајниот резултат гласеше 14:17.

Ова беше десетти триумф сезонава за пионерите на Вардар. Најефикасни во нашите редови беа Кирил Симоновски со 4 постигнати голови, додека Георгиј Спасовски имаше 3 погодоци. Матеј Трајановски, Давид Младеновски, Андреј Петрушевски и Давид Славевски имаа по 2 голови, додека по еден гол имаа Марио Стојановски и Христијан Петковски