Vardar Fans
Откако се одигра и третото коло во двете групи, познати се полуфиналистите на турнирот “Вардар, еден живот, една љубов„. Тоа се екипите на Вардар, Аеродром, Карпош и Урдаревски.
Во решавачкиот меч за пласман во полуфиналето, тимот на Аеродром беше поуспешен од Балтепе. Екипата на Аеродром во најголем дел од мечот имаше предност, само по првите пет минути се играше гол за гол на двете страни. Аеродром успеа да псотигне четири последователни голови и да го зголеми резултатот на 8:4. До крајот на првиот дел, се одржуваше водството на Аеродром, кој на полувреме беше во позитива од 11:8.
Во второто полувреме само растеше водството во корист на Аеродром, а највисоката разлика беше при резултат 22:13. На крајот победа за екипата на Аеродром изразена со резултат 23.15. Ова беше втора победа за Аеродром во групата со која го освои второто место во групата А, веднаш зад екипата на Вардар.
Вардарци стигнаа и до третиот триумф во групата, откако рутински ја совладаа екипата на Драчево, со резултат 27:4. Самиот резултат говори за случувањата на теренот и одразот на силите на овој меч. По првото полувреме резултатот 11:1. И на овој меч тренерот Петковски им да даде шанса на сите играчи, едноставно победата не беше доведена во прашање. Со максимален број на освоени бодови, Вардар како првопласиран во групата А се пласира во полуфиналето на турнирот.
Во решавачкиот меч за првото место во групата Б, екипата на Карпош беше подобра од Урдаревски, која ја совлада со резултат 14:23. На почетокот гледавме израмнет натпревар, на кој последното израмнување се случи при резултат 3:3. Од тие моменти екипата на Карпош направи серија од 0:3 и поведе со 3:6. Четири голови разлика беше најголемата предност за кумановчани во првиот дел, имаа водство од 6:10, 7:11 и на полувреме се замина со резултат 9:13.
Екипата на Карпош имаше фуриозен старт на вториот дел, кога постигна четири голови во серија и зголеми на 9:17. Екипата од Куманово се покажа како пресилна за Урдаревски, имаа целосна контрола на резултатот. На крајот победа со резултат од 14:23. Ова беше трет триумф за Карпош, со кој го освоија првото место во групта, додека Урдаревски заврши како второпласиран.
На натпревар кој немаше резултатско значење, екипата на Бисинов успеа да слави во дуелот со екипата на Преспа од Ресен. По првото полувреме резултатот беше 5:9 во корист на Бисинов. На крајот победа за тимот од Велес со резултат 13:18. Ова беше прва победа за Бисинов на турнирот, а трет пораз за екипата на Преспа.
Во утрешното полуфинале се среќаваат екипите на Вардар-Урдаревски и Карпош-Аеродром. Полуфиналните мечеви ќе се одиграат во термините од 10:00 и 11:00 часот.
