Vardar Fans
Вардаровата машина продолжува да ги “меле“ своите противници, овој пат настрада втор пат сезонава и екипата на ППД Загреб. На натпревар од СЕХА-лигата, црвено-црните имаа уште едно убедливо издание и покажа дека и оваа сезона се главни предетенди за одбрана на трофејот.
Натпреварот започна со гол за гол на двете страни, а Вардар за прв пат имаше предност од два гола разлика (6:4) на средината на првото полувреме. Во овој дел од мечот гледавме малку голови на двете страни, каде голманите на Вардар ( Милиќ) и Загреб ( Скок) имаа неколку одбрани. Следи серија на ППД Загреб од 0:3 за противникот да поведе со 6:7 во 17 минута од натпреварот. Сепак Вардар и на овој натпревар покажа разновидност во нападот и со четири последователни голови, најчесто преку крилата Дибиров и Чупиќ, за прв пат на натпреварот имавме предност од три гола (10:7). На теренот воопшто не се чуствуваше замор кај нашите играчи, иако во саботата имавме тежок меч против Барселона. Константно играме добро во одбраната, која е наше најслино “оружје“ која функционираше и во првото полувреме. Изгледаше дека на полувреме ќе одиме со минимална редност, кога Загреб намали на само еден гол негатива (10:9) во 24 минута. Сепак до крајот на првото полувреме, избраниците на Раул Гонзалес успеваат да направат голема серија од 7:1, за на полувреме да заминеме со убедливо водство од дури седум гола разлика (17:10). Мора да се истакне дека одличен на голот беше Страхиња Милиќ кој имаше 8 одбрани.
Второто полувреме започна со два гола на ППД Загреб за намалување на 17:12, додека првиот гол за црвено-црните во овој дел го постигнува нововлезениот Војводиќ. Милиќ продолжува со одбраните и веќе стигна до двоцифрен број на одбранети удари. На Вардар не му требаше многу време да ја врати највисоката предност, па преку Марсениќ во 39 минута имавме водство од 20:13. Гостинскиот тим даваше отпор и не дозволуваше предвреме да го решиме победникот, па со два последователни голови на Мандалиниќ и еден на Контрец стигнуваат до четири гола негатива (20:16).Со оглед дека настапивме со само еден пикер, а тоа беше Марсениќ, тренерот Гонзалес мораше да ротира во екипата, па во еден момент на оваа позиција се најде и Кристопанс. Мили стигна до својата 15 одбрана, која му овозможи контра-напад на Дибиров кој во 49 минута го зголемува резултатот на 25:19. Во игра влегоа и крилата Мартин Поповски и Владо Недановски. Токму првиот контакт со топката на Недановски завршува во голот на Загреб. На шест минути пред крај имавме највисоки 28:21, па остатокот од мечот беше само рутина за нашиот шампион. На голот го видовме и младиот Ѓорѓески кој измамува воздишки во публиката, бранејќи удар од седум метри. На крајот конечниот резултат гласи 30:23.
Најефикасни кај Вардар беа Тимур Дибиров и Игор Карачиќ кои постигнаа по 6 голови. Милиќ собра 15 одбрани, Ѓорѓески две и тоа двете од ударите од седум метри. На овој дуел настапивме без Фереира, Стоилов и Шишкарев, додека Штербик не влезе на натпреварот.
