Пиопнерите на ракометниот клуб Вардар имаа одлична сезона, во која успеаа да станат шампиони на Македонија. Избраниците на Андријана Будимир доминираа и успеаа да ја завршат сезоната со стопроцентен ефект. Одиграа вкупно 14 натпревари на кои забележаа исто толку победи. Во конкуренција на 25 екипи, црвено-црните на крајот заслужено се најдоа на врвот. Во регуларниот дел од сезоната беа дел од групата 1, каде одиграа 12 мечеви и имаа исто толку победи. Имаа и најдобра гол разлика, во целата пионерска лига, во регуларниот дел на сезоната. Постигнавме вкупно 354 голови, додека примивме 117.
Во продолжение од текстот ќе ги изнесеме сите постигнати резултати за пионерите на РК Вардар:
1 коло: Вардар – Куманово 27:8
2 коло: Аеродром 1 – Вардар 3:47
3 коло: Вардар – Шкупи 27:10
4 коло: Велес 2009 - Вардар 12:26
5 коло: Вардар – Металург Јуниор 32:13
6 коло: Шампион – Вардар 13:21
7 коло: слободни
8 коло: Куманово – Вардар 12:26
9 коло: Вардар – Аеродром 1 33:6
10 коло: Шкупи – Вардар 8:35
11 коло: Вардар – Велес 2009 30:8
12 коло: Металург Јуниор – Вардар 8:32
13 коло: Вардар – Шампион 18:16
14 коло: слободни
На завршниот турнир кој се одигра во Кале, покрај Вардар учествуваа уште и екипите на Тиквеш, КЛ7-Стгруга и Аеродром. Во полуфиналето нашите момци ја победија екипата на Тиквеш, со двоцифрена разлика (19:9), додека во големото финале убедливо го поразивме и тимот на РК Аеродром (27:20). Имавме и поединечна награда на овој Ф4, а истата ја доби Леонид Чорогунов за најдобар голман.
Настапивме на сигурно еден од посилните меѓународни турнири, “Ломотива куп 2017“ кој се играше во Брчко. Пионерите на РК Вардар може да се каже дека направија успех на овој турнир, пласирајќи се на крајот на 9 место од вкупно 24 екипи во оваа возрасна генерација, играчи родени 2002/03 година. Совладани беа екипите на Партизан, Спачва и Веспрем, додека ги загубивме дуелите со Борац од Бања Лука и оној во осминафиналето од шампионот на турнирот, екипата на Дуго Село, која е шампион и во својата земја во оваа возрасна категорија.