Чиле совладан на последната контрола, за Македонија стрелаа Ќосевски и Карапалевски, Кизиќ имаше 8 одбрани

Вчера, кадетската македонска ракометна репрезентација во салата „Борис Трајковски„  имаше успешна генерална проба пред настапот на Светското првенство (СП) кое ќе се игра во нашата земја.

Црвено-жолтите момци  славеа над  Чиле  со 32-26, овој   триумф е важен пред почетокот на светскиот ракометен собир  во Скопје.  Првиот дел беше релативно рамноправен, па на одмор се замина со резултатска симетрија 12-12. По почетните минути во вториот период во кој продолжи тој тренд, отпорот на јужноамериканската селекција се скрши во последните петнаесетина минути од мечот.

Од вардарци, голманот Марко Кизиќ имаше 8 одбрани, покрај тоа погодија и уште двајца вардарци. Ален Ќосевски дуелот го заврши со два гола,  Карапалевски  Мартин беше стрелец на еден повеќе, односно три.