Вардар вечерва дојде до својата петта победа, во рамките на најсилната група А од Лигата на шампионите. Европскиот шампион лесно и убедливо триумфираше над ППД Загреб со резултат 23-29 (10-15). Следната недела Вардар дома го пречекува тимот на Рајн – Некар.
Тимот на Вардар одлично го одигра првиот дел во Загреб, нашите момци предводени од извонредниот Штебик на полувреме имаа висока и комотна предност од плус пет погодоци. Првите 5. минути од натпреварот минаа во знакот на Вардар, нашиот тим постигна два а не прими ниту еден погодок. На средината на првиот дел, односно во 15. минута преку пеналот на Чупиќ, Вардар дојде до највисоки плус три 5-8. Следуваше серија на одбрани на Штербик, на спротивната страна Карачиќ погоди во 22. минута за веќе високи 6-12. До крајот на првиот дел Вардар имаше мини криза, со неколку неискористени напади, но за среќа Штербик беше одличен и спречи намалување на предноста. На полувреме се замина со резултат 10-15, Борозан и Чупиќ постигнаа по четири погодоци во првиот дел, Штербик имаше дури 13 одбрани.
Во вториот дел влеговме како и во првиот со наша доминација, по минути со голот на Канелас водевме со 11-18. Следеа неефиаксни пет минути во 10.минута на семафорот во Загреб стоеше 13-19. Во тој момент Штербик имаше 15 одбрани од 28 удари кон неговиот гол, односно имаше над 50% одбрани. Ние успеавеме да се одлепиме во продолжение на девет гола, во 17.минута поведовме со високи 15-24 по што Каменица побара минута одмор. Следеше мини серија на Загребчани 4-1, со која намалија на 19-25 на нецели 10 минути до крајот на овој дуел. Таа серија ја прекина Борозан со “бомба“ во мрежата на домаќинот. Користејќи ги украдените топки на нашата одбрана поради нападот на загребчани 7 на 6 нашите момци повторно отидоа на плус девет, со голот на Дибиров поведовме со 19-28 на четири минути до крајот. До крајот на дуелот се беше формалност, Вардар победи со високи 23-29 и покажа зашто е Европски владетел.
Кај нас најистакнат поединец вечерва беше Штербик со 18 одбрани, хрватот Чупиќ имаше 7 гола, а Борозан постигна 6.