Пелко: Победата ја посакувам повеќе од вообичаеното!

Конечно, по едномесечна пауза, Вардар одново ќе одигра натпревар од Лигата на шампионите и тоа утревечер во Скопје во СЦ „Јане Сандански“, каде гостин ќе биде Бундес-лигашот Фленсбург.

Германскиот тим во Скопје доаѓа со максимален учинок, односно три победи од исто толку натпревари. Во тимот на противникот утре ќе настапи и еден довчерашен ракометар на Вардар. Се работи за Доминик Сикошек Пелко кој од оваа сезона е дел од тимот на Фленсбург.

Пелко потенцираше дека победата ја посакува повеќе од вообичаеното.

„Победата ја посакувам повеќе од вообичаеното, сакам Фленсбург да ги донесе двата бода дома“, изјави Пелко.