Пионерите на РК Вардар во пролетниот дел од сезоната ќе бидат предводени од Стојан Петрушевски, кој моментално е дел и од стручниот штаб на сениорската екипа.
Петрушевски е долги години во Вардар, па после заминувањето на Пепи Манасков во Алкалоид, Петрушевски ќе биде тренерот кој ќе работи со пионерите на клубот.
Екипата брои некаде 15 членови, а се тренира два пати неделно во Јане Сандански и еднаш во спортската сала на училиштето „Кочо Рацин“.
Во есенскиот дел од сезоната, пионерите на Вардар се натпревараат во групата Б и на четири одиграни натпревари остварија една победа и три порази.