Vardar Fans
Пионерите на ракометниот клуб Вардар го освоија петтото место место на турнирот “Ракометот во срцето“, кој изминативе три дена се игра во три града во Босна и Херцеговина. Избраниците на Андријана Будимир на завршниот свој натпревар на овој турнир беа подобри од екипата на РК Босна со резултат 18:22.
Противникот беше прв кој го отвори резултатот на овој меч, додека Вардар во својот прв напад израмни со голот на Бојан Чакалиќ. Имаше екипата на Босна и предност од 3:2, но црвено-црните со серија од три погодоци и тоа два на Дамјан Димитриевски и Бојан Чакалиќ поведоа со 3:5. Сепак екипата на Босна успева да воспостави резултатска рамнотежа и во 7 минута од мечот да го израмни резултатот на 6:6. Сепак од тие моменти следи серија на Вардар од 0:5, за во 13 минута да имаме највисоки 6:11. Во овој период расположен за игра беше Велимир Грујовски, која ја најави серијата на голови. До крајот успеваме да ја одржиме оваа предност и на полувреме да заминеме со водство од 8:13, со последниот гол во првиот дел на Благој Димчевски.
Вториот дел исто така започна со гол на РК Босна, кои во следните три минути успеваа да намалат на 11:14. До 26 минута, екипата на Босна воспоставуваше резултатска рамнотежа, кога предноста на Вардар се движеше од 2-3 голови разлика. За да нема неизвесен финиш се погрижија избраниците на Будимир, кои со серија од 0:3 ги вратија највисоките пет гола (17:22). До крајот противникот псотигна еден гол и ги постави конечените 18:22 на овој натпревар.
Во нашиот состав Бојан Чакалиќ беше најефикасен со 5 голови, додека 4 постигна Дамјан Димитриевски. Утрово нашите надежи ја победија екипата на Слога. Вкупно на целокупниот турнир забележавме четири победи, еден нерешен резултат и еден пораз.
