Vardar Fans
Пионерите на ракометниот клуб Вардар го доживеаа првиот пораз сезонава. Момците на Зоран Петковски гостуваа во Велес кај екипата на РК Бисинов, од која беа поразени со резултат 21:14.
Вардар во првите пет минути од натпреварот во два наврати беа во предност, кога го отворија резултатот, а потоа и 1:2, за домашниот тим во продолжение да го превземе водството. Се држевме до резултат 4:3, кога следеше серија на Бисинов 7:1, за највисоки 11:4 за домашниот тим, кој на полувреме замина со предност од 12:6.
Секако ова е новоформирана селекција на Вардар, на која ќе и биде потребно време за воигрување и за достигнување на потребните резултати. Серијата продолжи во вториот дел, кога противникот зголеми и на 14:6, па беше јасно кој ќе ги освои бодовите. Во еден момент, Вардар само намали на шест гола негатива, но немаше сили за нешто повеќе. На крајот конечниот резултат гласеше 21:14.
Најефикасен наш ракометар беше Ангел Столевски кој постигна 5 голови.
