Победа за пионерите на РК Вардар на гостувањето во Велес

Пионерите на ракометниот клуб Вардар со победа се вратија од гостувањето во Велес. Совладана беше екипата на РК Бисинов со резултат 14:17. Во еден интересен и калитетен натпревар на крајот подобри беа младите Вардарци.

Во првите пет минути се играше гол за гол на двете страни и резултатот главно беше израмнет. РК Бисинов беше тимот кој успеа прв да се одлепи на солидна предност од три голови разлика 8:5, но ова водство на домаќинот не траеше долго време, бидејќи избраниците на Андријана Будимир вратија со иста мерка и со три голови во серија носат ново израмнување од 8:8. До крајот на првиот дел успеваме со предност да заминеме на одмор. Резултатот во овој дел од мечот беше 9:10.

Решавачкиот чекор кон победата, Вардар го направи на стартот на второто полувреме кога првите три гола беа постигнати во мрежата на Бисинов за најголемо водство од 9:13. Домаќинот успеа за кратко да се врати на достижна негатива (12:14), но финишот им припадна на црвено-црните за конечни 14:17. Утре со почеток во 11 чсаот во С.Р.Ц Кале не очекува нов натпревар на пионерите.