Победа и пораз за РК Илинден-Вардар во машкиот дел од “Јуниор лигата“

Изминатиов викенд во малата сала на спортскиот центар Јане Сандански се одиграа натпревари во ракометната Јуниор лига, во машка конкуренција. Екипата на РК Илинден-Вардар одигра два натпревари, на кои забележа една победа и пораз.

Кај генерација родени 2000/01 година, РК Илинден беше поразен во дуелот со екипата на РК Урдаревски. Конечниот резултат на овој дуел гласеше 15:17. Во најголем дел од мечот, тимот на Урдаревски имаше водство, иако мечот беше незивесен до самиот крај. Урдаревски го отвори натпреварот со погодок за водство од 0:1. Првото и единствено водство на овој меч, екипата на Илинден го имаше во 5 минута, кога поведе со 3:2. Од тој момент РК Урдаревски ја презема предноста, со серија од три последователни гола има водство од 3:5. За момент само Илинден ја намали негативата, по што следи нова серија на погодоци за предност од 4:8 за екипата на Урдаревски.Иленден не се предаде и успеа со подобра игра комплетно да се врати во игра, израмнувајќи на 8:8. Сепак последните три гола им припаднаа на Урдаревски, за на полувреме да имаат предност од 8:11.

Оваа разлика се одржуваше се до првата половина на второто полувреме, кога двете екипи играа гол за гол. При резултат 11:14, Илинден успева да постигне три последователни гола и повторно да го израмни резултатот на 14:14. Следеше по еден гол на двете страни за 15:15, но во последните две минути Урдаревски погодува два пати, за конечни 15:17 и победа за нив.

Сличен тек имаше вториот натпревар за РК Илинден, но во генерација родени 2002/03 година. Противник им беше екипата на РК Бисинов, но сега остварија триумф со резултат 21:18. Илинден одлично го започна мечот, имаше предност од 3:0, но Бисинов во следните четири минути успева да направи целосен пресврт и да поведе со 4:5. Следи брзо одговор на РК Илинден кој прави серија од 5:0, за највисоки 9:5. До крајот на првото полувреме ја одржуваа стекнатата предност и на одмор се замина со резултат 12:9.

Во второто полувреме, екипата на Илинден имаше целосна контрола на играта и резултатот. Постојано беа во предност, единствено што дозволија на противникот да се доближи на гол негатива 16:15. Од тогаш следеше серија на Илинден од 3:0, за враќање на највисоките 19:15. До крајот, Бисионов заигра подобро, но доволно само да намали на 21:19, што беше и конечен резултат на натпреварот.