Кадетите влегоа во ритам, 43.гола во мрежата на Македонија ЃП

Кадетската екипа на ракометниот клуб „Вардар“ продолжува со добри резултати во низа, денес убедливо го совладавме тимот на РК Македонија Ѓорче Петров.

.
Натпреварот се одигра предпладнево во Спортскиот центар „Јане Сандански“ во Скопје. Избраниците на Пепи Манасков одлично започнаа на почетокот на дуелот, имаа водство и не дозволија на ѓорчепетровци да се се доближат воопшто. Одигравме одличен прв дел во кој примивме само три гола за 30.минути, постигнавме шест пати повеќе погодоци во нивната мрежа.

.
За време на паузата на семафорот во големата сала при СЦ „Јане Сандански“ стоеше 18-3 за нас. Во вториот дел не се смени ништо на резултатски план, ние доминиравме и од минута во минута ја зголемувавме предноста над гостинот на оваа кадетска средба. Победата дојде со високи 32.гола позитива, црвено-црните кадети победија со резултат 43-11.

.
Ова е дуел од третото коло, досега имаме еден пораз во воведната рудна и два врзани победи во низа со кои сме на втората позиција на табелата во нашата кадетска група.