Vardar Fans
Денес во малата сала на С.Ц. Јане Сандански започна 6.коло во ракометната „Јуниор Лига“. Во машкиот дел се одиграа два натпревари, кај генерацијата 2006/07 година. Победи забележаа екипите на РК Ангели и Будимир.
Екипат на Ангели која ја предводи Силвана Миленковиќ успеа да слави во дуелот со РК Филип, чиј тренер е Александар Таневски. Интересно, екипата од Прилеп во првите минути од натпреварот беше во предност од 1:0 и 2:1, за до крајот на првите 15 минути од првиот да им дозволи на Ангели да направат серија од 0:5 и на полувреме да заминат со солидно водство од 2:6.
Серијата продолжи и во вториот дел, кога Ангели постигнаа уште еден гол и зголемија на 2:7. Конечно екипата на Филип ја прекина серијата и постигна гол за намалување на 3:7, но избраниците на Миленковиќ влегоа во нова серија од 0:4 и се одлепија на највисоки 3:11.
Тренерот на прилепчани, Таневски, даваше совети до своите играчи да се борат до крај и да се избегне повисок пораз. Не намалија многу, но барем не дозволија негативата да расте, стигнаа до пет гола разлика, на крајот победа за Ангели од 8:14
Во вториот меч, до лесна победа стигна екипата на Будимир која беше доминантна во дуелот со Делчево. Уште од самиот старт на мечот, избраниците на Будимир наметнаа силно темпо на игра, откако резултатот беше 2:3, последна реултатска неизвесност, екипата на Будимир до крајот на првото полувреме направи серија од 0:5 и имаше водство од 2:8.
И во второто полувреме само растеше предноста во корист на екипата на Будимир. Стигнаа и до двоцифрена предност од 5:15, а до крајот Делчево се погрижи да намали на 9:17.
